Sunday, June 14, 2009

ನಂದಿನಿ ನದಿ



ಕಟೀಲಿನ ನಂದಿನೀ ನದಿ ಕ್ಷೇತ್ರದ ಆಕರ್ಷಣೆಗಳಲ್ಲೊಂದು.
ಕಾಮಧೇನುವಿನ ಮಗಳು ನಂದಿನೀಯನ್ನು ಬರಗಾಲ ನಿವಾರಣೆಗೆ ಇಳೆಗೆ ಬರಲು ಕೇಳಿಕೊಂಡಾಗ ಆಕೆ ಒಪ್ಪಲಿಲ್ಲವೆಂದು ಮುನಿ ಜಾಬಾಲಿಯಿಂದ ಶಾಪಿತಳಾಗಿ ಮಾಘಶುದ್ಧ ಪೌರ್ಣಮಿಯ ದಿನ ನಂದಿನಿ ನದಿಯಾಗಿ ಹರಿದಳು. ಕನಕಾದ್ರಿಯಲ್ಲಿ(ಈಗಿನ ಮಿಜಾರು) ಹುಟ್ಟಿ ಪಡುಗಡಲು ಸೇರುವ ನಂದಿನಿಯ ಕಟಿ ಪ್ರದೇಶದಲ್ಲಿ ದುರ್ಗಾಮಾತೆಯು ಲಿಂಗ ರೂಪದಲ್ಲಿ ಆವಿರ್ಭವಿಸಿದ ಪರಿಣಾಮ ಈ ಕ್ಷೇತ್ರ ಕಟೀಲು ಆಯಿತು.
ಇಂಥಾ ನಂದಿನಿಯ ಹೊಳೆ ಹುಟ್ಟಿ ಹರಿದು ಸಮುದ್ರ ಸೇರುವ ಮಧ್ಯ ಭಾಗದಲ್ಲಿ ಕಟೀಲು ಬರುತ್ತದೆ. ಸುಮಾರು 32ಕೀಮೀ ಎಂಬುದು ಒಂದು ಲೆಕ್ಕಾಚಾರ. ಮುಚ್ಚೂರು, ಮಚ್ಚಾರು, ಅಜಾರು, ಕಟೀಲು, ಎಕ್ಕಾರು, ಶಿಬರೂರು, ಪುಚ್ಚಾಡಿ, ಚೇಳಾಯರು, ಪಾವಂಜೆ ಹೀಗೆ ಹನ್ನೆರಡಕ್ಕೂ ಹೆಚ್ಚು ಕಡೆ ಈ ಹೊಳೆಗೆ ಅಣೆಕಟ್ಟುಗಳನ್ನು ಕಟ್ಟಲಾಗಿದೆ.
ಮಳೆಗಾಲದಲ್ಲಿ ನಂದಿನೀಯ ಅಬ್ಬರ ಸೋಡುವುದಕ್ಕೇ ಸೊಬಗು. ನೂರಾರು ರೈತರ ಬಾಳು ಬಂಗಾರವಾಗಲು ನಂದಿನಿಯ ಕೊಡುಗೆ ಅಪಾರ.
ಕಟೀಲಿನಲ್ಲಿ ನಂದಿನಿಯಲ್ಲಿ ಮಿಂದರೆ ತೀರ್ಥ ಸ್ನಾನಗೈದಂತೆ.

1 comment:

  1. ತುಂಬಾ ಸುಂದರ ಫೋಟೋ
    ನಾನು ಇನ್ನು ನೋಡಿಲ್ಲ ಇದು

    ReplyDelete